– किशोर अधिकारीबाट
निरस यो जिन्दगीमा एक्लोपन छायो
विहानीको किरण झै तिम्रो याद आयो
उजाड यो जिन्दगीमा बादल घना छाएनी
नीलो नीलो गगनमा चन्द्र मुस्कुरायो ।
सयौ खोला सुकेपनि माया सुक्ने छैन
हजार जुनिसम्म पनि माया मर्ने छैन
तिमीलाई रुवाएर हाँस्ने रहर होइन
तिमीलाई धोका दिई कतै सर्ने छैन ।
खुशी खोज्न जीवनमा धेरै धेरै कुदे
संघर्ष नै जीवन भनि धेरै चोटी जुधे
जीवनलाई नशा संगै धेरै चोटी पिए
प्यास मेट्छु भनि हिड्दा आफू आफै सुके ।
🔼🔽🔼
Comments
Post a Comment