अनौठो चाह, बदल्न सकेन ।
– किशोर अधिकारी
त्यो तापले, पगाल्न सकेन,
त्यो झरीले, रुझाउन सकेन ।
धेरैबाट सुने हल्ला तिम्रो,
अनौठो चाह, बदल्न सकेन ।
केलाई गर्नु फूलसँग दाजी बयान,
केलाई गर्नु जूनसँग दाजी बयान ।
न कोमलता छ, न त छ पवित्र,
फूक्का जीवनको तिमी नै भनन ।
त्यो चापले, गलाउन सकेन,
त्यो रापले, जलाउन सकेन ।
धेरैबाट सुने हल्ला तिम्रो,
अनौठो चाह, बदल्न सकेन ।
के अर्थ भो र नामी भइछ्यौ,
के अर्थ भो र दामी भइछ्यौ ।
न विश्वास छ, न त छ अस्तित्व,
प्रेमको खेल रच्ने, प्रेमी भइछ्यौ ।
त्यो दागले, पिराउन सकेन,
त्यो साथले, टुटाउन सकेन ।
धेरैबाट सुने, हल्ला तिम्रो,
अनौठो चाह, बदल्न सकेन ।
Comments
Post a Comment